يقولوا الوجيعة في الكنين كبيرة ...

تخلف على طول الزمان اشكال ...

ويقولوا اللي تنساه تلقى غيره ...

كلمة قديمة قبلنا تنقال ...

ويقولوا اعمار الداميات قصيرة ...

ويقولوا اعمار السايبات اطوال ..

.ويقولوا شبابك فرصتك الاخيرة ...

الفرصة اتجي لحظات ماتطوال ....

ويقولوا ابنادم راحته في ضميره ..

مايوم السعادة تنشرى بالمال ..

.ويقولوا ولد لجواد واضح سيره ...

وياكل ولد لجواد كان حلال ...

تجارب اتنادي في الحياة العسيرة ...

امجرب بروحي موش قولة قال ..

.الدايم الله سبحان كاثر خيره ..

يوري اصحاب العرف والجهال