سمع قول اللي إوَجَبْ _ كي عونو هَبّْ _ طاوعني من غير تْعَبْ _ جاني في الحين

كي تواتي و نبدا نَكْتَبْ _ نلقاه رْتَبْ _ جات مواجوا تَتْقَالَبْ _ قاريها منين

جبتو على سودة لَهْذَبْ _ وخيال عْجَبْ _ وانياب نمثل كي الشَّبْ_ ثلج دكاكين

وغثيث محدر تَصْلَبْ _ واصل لَكْعَبْ _ وسبايك فضه و ذْهَبْ _ ربعه و عشرين

غير النسوه تَتْلَغْبَبْ _ تنولي نْسَبْ _ وصوها عليا تَكْذَبْ _ هذي عامين

وهجرتني من غير سْبَبْ _ ونست اَلْحُبْ _ خدعت ها يعطيها كْلَبْ _ هي و لخرين

زافت ناري بلاش حْطَبْ _ والقلب تْعَبْ _ و دموعي من العين تْصُب _ في حاله حزين

خلتني على لرض نْدَبْ _ نبكي و نَنْدَبْ _ علـ الكافر حالي يُصْعَبْ _ ملقيتش وين

برا ها يحكمها جْرَبْ _ في البطن قْتَبْ _ تبقى طول عمرها تَتْعَذَبْ _ قولوا أمين

هذي نصيحه من عبد مْجَرَبْ _ كبدو مْشَغْشَبْ _ كاثر هولو فكل وْجَبْ _ تايه مسكين

بالك تغلط تَسَبَبْ _ و تقول نْحَبْ _ تغدي مخك يَتْقَلَبْ _ يكثر لونين

ندعي في مولايا اَلْرَّبْ _ منو نُطْلَبْ _ يغفر ذنبي اللي تَكْتَبْ _حسيتوا رزين

بقلم : محمد عطيه